Jólin að koma......

Jæja þá er Þorláksmessan komin og allir í stuði. Ég er búinn að vera að skreyta tréð með brósa núna og er bara ekkert kominn í jólaskap. Það kemur á morgun þegar bjöllurnar hringja, er ekki hægt að fara í jólaskap fyrr en jólin byrja......

Dramablogg, hér fyrir neðan er dramablogg af bestu gerð, þeir sem hafa ekki gaman af drama skulu ekki lesa greinina, hinir njóti vel :)

Núna er að koma erfið nótt

Eftir langan dag kemur nóttin og dagurinn kveður mig. Dagurinn hefur verið æðislegur og hann hefur gefið mér kraft til að takast á við nóttina sem bíður. Nóttin er rétt að hefjast og hún mun verða mér erfið, en ég lofa að þrauka, ég hef þraukað áður og ég get gert það endalaust bara ef ég veit að dagurinn komi aftur til mín, bara ef dagurinn kemur aftur. Þessvegna undirbý ég mig núna og geri mig kláran fyrir langa og erfiða nótt, það sem er þó verst af öllu er það að ég veit aldrei hvort að dagurinn muni koma aftur og að ég fái að finna fyrir fullkomleika sólarinnar skína inn í harta mitt. Efinn er erfiðastur en ég þrauka, ég hef gert það áður.........

Ætla ekki að drepa þig úr rugli.......þegiðu bara og sestu......þegiðu og sestu!!!

Helgar analæs-ering Burkmeisters....

Stemming frá Föstudegi fram á Sunnudag, þetta vara ja fín helgi, alveg þess virði að eyða plássi af blogginu mínu í. Byrjaði með svaðalegri stemmingu á Föstudag þar sem ég drullaði mér til Borgarastjórans og við hófumst handa við bjórdrykkju og horfðum á Family gæ, efir mikið trúnaðarlegt spjall um Runnann og ríkisstjórn hans eða eitthvað svoleiðis var okkur boðið upp á Álaborgar ákvíti hjá pabba hans Valla og drukkum við 3 staup af því og testuðum það. Eftir meira spjall um allt og ekkert drifum við okkur til Helkon, þar var ædolið að enda og Helena og Arna byrjuð í stuði. Annars vorum við bara þarna í smástund, Siggi kom í heimsókn og var honum tekið annsi vel af fólkinu, svo drulluðum við okkur niðrá LA, Steini fór að DJ-ast og hélt uppi geggjaðri stemmingu, spilaði klassa-rokk af besta tagi. LA var eins og það var, talað var um stjórnmál við snarvitlausa FB-inga, þeir virðast alltaf nenna að tala um stjórnmál þessir FB-ingar, humm skrítið. Svo dansaði maður trylltan dans þar sem það var alvöru tónlist á svæðinu, endaði allt klukkan 3 og ég, borgarastjórinn og fyrrverandi háttvirtur ritari fengum okkur slæsu á Devitos og tókum einhvern rúnt á þetta.

Önnur saga er að segja frá deginum eftir sem var leiðinlegur að mestu leyti, ekkert var gert og stemming var lítil. Ég drattaðist til Haffa í afmælið um klukkan tíu og þar voru menn komnir í stuð, Haffi og Siggi alveg að missa sig. Stemmingin var mikil þegar við afhentum Haffa afmælisgjöfina en hún var "the unofficial dude kit" sem innihélt allt sem menn þarfnast til að blanda almennilegan hvítan rússa+náttslopp+áritun frá öllum Idol stjörnunum og eitthvað svona ruslara dót. Þetta partý var eðall og skemmtileg moment áttu sér stað, ég og Steini Focking Roses skelltum okkur upp á þak og renndum okkur niður á stiga sleða, það var snilld, nema þá það að maður er helvíti haltur í dag. Siggi drakk sig í hel og var látinn um klukkan eitt, haffi skellti sér í sloppinn þegar líða fór á kvöldið og var helvíti húsbóndalegur. Gisti maður svo bara þarna ásamt nokkrum aðilum og vaknaði svo í ruglinu í morgun, menn dröttuðust á stjörnutorg og átu á sig gat. Helgi eins og hún á að vera eftir próf, eðall af besta tagi :)

Krassandi myndir!!

Var að bæta inn myndum frá partýinu fyrir Jörfagleðina góðu, endilega tékkið á því. Bjó svo einnig til mjög svo spennandi myndaþátt sem heitir "þögnin ein" og fjallar á póstmódernískan hátt um þögnina sem umlykur allar myndir, njótið vel kæru lesendur. hérna er albúmið.

Ég henti öllu helvítis blogg draslinu óvart út :(

Ég var að fikta í bloggernum fyrr í kvöld og klúðraði því gjörsamlega, þannig fór að ég henti öllu út nema greinunum mínum. Tók ég þá merku ákvörðun að hringja í Valla prez og fá hann til að hjálpa mér við að remixa síðuna mína. Við hófumst hand um 23:00 og byrjuðum að mixa þetta saman, og á Valli þokkalegt hrós skilið fyrir alla hjálpina, án hans hefði síðan verið jafn ljót og hjá Litla b eða Lottunni, shiet það hefði sökkað. En allavega þá er komið nýtt lúkk núna, gömlu shout outin eru farin þannig að ég bið ykkur um að endurskrifa í öll shout out fyrir mig, einnig bið ég alla um að skrifa í gestabókina.....Allavega þá á Valli mikið hrós skilið fyrir að gera þessa síðu að því sem hún er.....

p.s. Helena eða Helkon er byrjuð að blogga og kallar sig helkon9.blogspot.com og viskan er strax farin að streyma úr henni, klassi Helkon :) Gaman að setja fyrsta tengilinn sinn á kvenn blogger :)

Lengsta blogg í sögu Burkmeistersins!!

Klukkan á vekjaraklukkunni sem liggur á náttborðinu mínu sem er við hliðina á rúminu sýnir 02:41 en klukkan á tölvunni sýnir hins vegar 02:27. Munurinn á klukkunum er 14 mínútur og er það annsi mikil skekkja, ég fer þá bara milliveginn og er klukkan samkvæmt því 02:34, fimmtudagur á morgun. Í græjunum hljómar annsi sérstök plata, platan er með hljómsveitinni Godspeed og eins og svo margir vita er þetta stórfengleg hljómsveit, andrúmsloftið er þrungið einhverskonar spennu. Hér er ekki neinn, ja nema þá bara ég, samt er sængin öll í einhverju kuðli og allt einhvernveginn svo rafmagnað.

Ef ég lít út um gluggan sé ég jólaljós um allt, samt er það eitthvað svo gervilegt, það er eins og allir séu bara að plata, ég held að margir séu bara að plata. Ég held að mörgum finnist þessi jól ekkert svo skemmtileg en þeir taka samt þátt í þeim vegna þess að allir gera það. Ég meina það væri náttlega annsi súrt að beila bara á jólunum og segja svo við alla að maður ætlaði ekki að halda upp á fæðingu frelsarans. Fólk myndi aldrei skylja ástæðurnar, allir myndu bara fara á flippið og dæma menn geðbilaða eða þunglynda, fólk má ekkert lengur, allir eru stimplaðir fyrir það að taka öðruvísi ákvarðanir. Ákvarðanir eru varla til lengur, sjálfstæðar ákvarðanir eru alla vega sjaldgæfar, fullkomlega sjálfstæðar ákvarðanir meina ég sko, það er alltaf eitthvað sem spilar inní, eitthvað annað sem ræður úrslitum. Það þarf samt ekkert að vera slæmt, ég er alls ekkert að segja það, ég er bara að segja það sem ég segi.

Annars er rafmagnið ekkert svo mikið hér inni, það virðist allt verða rólegra núna, kannski er það vegna þess að tónlistin hefur breyst eða ekki. Það er samt alls ekki aðalmálið, aðalmálið er ekki hér, það er langt í burtu held ég sko, ég held að það sé einhversstaðar hinum megin. Þá meina ég ekki hinum megin á þessari plánetu eða neitt slíkt, ég er svona að gæla við þá hugmynd að aðalmálið, það sem skiptir okkur öll meira máli en allt annað sé bara annarsstaðar en hér. Það er alls ekkert stór bomba, það er ekkert erfitt að sætta sig við þá staðhæfingu, annars er ég ekkert viss, þetta er bara svona hugmynd, þarf ekkert að vera rétt eða röng sko.

Það þarf svosem ekki neitt að vera rétt, ég held stundum að ekkert sé rétt, það væri svakalegt ef það yrði sannað, "í fréttum er þetta helst Ekkert er satt eða rétt lengur, að þessari niðurstöðu komust vísindamenn í namibíu í gær" það myndi allt fara á hausinn, snúast á hvolf. Samt gæti það ekki gerst, það væri bara allt of absúrd, allt of steikt eitthvað, það myndi ekkert virka ef sannleikurinn væri lygi og lygin væri sannleikurinn þar sem hann væri lygi, það myndi allt fokkast upp. Samt myndi fólk bara kjósa það að lifa í blekkingunni, það væri ekkert annað að gera í stöðunni, hvað annað?

Hér er allt orðið rafmagnslaust, spennan er algjörlega horfin, það er eins og eitthvað hafi tekið hana og hent henni út, eitthvert burt bara. Ég ætla að fljóta með....................ég flýt án þess að sökkva, ég þarf ekkert að gera vegna þess að straumurinn flytur mig með sér og það er þægilegt, ég þarf ekkert að gera, ég vil ekkert gera, ég vil fljóta og það geri ég. Núna hefur allt breyst, ég er ekki lengur þar sem ég var, ég er kominn á nýjan stað, nýjan stað þar sem nýjar og öðruvísi áherslur ríkja. Húsin eru óraunveruleg og fólkið líka, allt er fjarlægt en samt er það beint fyrir framan nefið á mér. Þannig vil ég hafa það, ég vil ekki snerta þennan heim, ég vil ekki hafa áhrif á hann vegna þess að hann er ekki raunverulegur, hann er ekki til og hann þarfnast engra breytinga.

Ljósin eru skær og þau lýsa upp borgina, í þessari borg er fullt af fólki sem er óraunverulegt, það er ekki til, það verður aldrei til nema þá aðeins í hausnum á mér. Samt finnst mér eins og ég þurfi að ná sambandi við þetta fólk, það er eitthvað sem ég vil segja en það er svo erfitt að segja eitthvað við það sem er ekki til. Það er engin ástæða til þess að tala við vegg, þessvegna segi ég ekki neitt, ég fylgist bara með, er áhorfandi að þessum heimi sem er blekkingin ein sem býr í hausnum á mér.

Merkilegir hlutir gerast á hverri sekúntu í þessum heimi, það er alltaf eitthvað á hreyfingu, alltaf eitthvað sem hefur áhrif á ljósin, mennina, húsin og allt það sem býr í þessum heimi. Það er samt þannig að enginn getur gert neitt, ég get engu breytt þó að ég vilji það, þó svo að ég vilji gera þennan heim að raunverulegum heimi með raunverulegu fólki sem lifir raunverulegu lífi þá get ég það ómögulega, það er bannað. Allt það sem gerist hér hefur ekki nein áhrif útfyrir þennan gerviheim, þannig að þó svo að sumir deyji og aðrir lifi, sumir kveljist og aðrir séu kóngar þá skiptir það engu máli vegna þess að það hefur enginn áhrif á raunveruleikann. Þessi heimur sem ég flýt i gegnum verður að vera svona, hann lýtur lögmáli og hann fylgir því og allir sem í honum eru, enginn hefur rétt á að breyta því, það er ekki hægt. Þannig að það er bara best að fljóta og reyna ekki neitt, breytingin verður aldrei.

Það er erfitt að vera til í heimi sem er ekki til, það er í raun tilgangslaust að vera til í heimi sem er ekki til. Heimur sem er ekki til er tilgangslaus í sjálfum sér, hann hefur engann tilgang vegna þess að hann er ekki til, samt er hann gæddur þeim eiginleikum að búa sér til tilgang. Það sem býr í þessum heimi virðist hafa tilgang fyrir heiminn sem slíkan, allt það sem í honum býr hefur áhrif á hann og er þessvegna heimurinn. Gerviveröldin óraunverulega líður framhjá mér og allt það sem í henni býr, allt er tilgangslaust, ekkert þjónar öðrum tilgangi en að halda blekkingunni áfram, blekkingunni um það að heimurinn sé í raun til og að hann hafi tilgang.

Tilgangsleysið er svo augljóst en samt virðist enginn sjá það vegna þess að allir eru óraunverulegir og geta ekki séð það sem er satt, það gengi aldrei upp, allt myndi verða raunverulegt, það gerist ekki í óraunverulegum heimi, það gæti aldrei gerst. Þó svo að tilgangurinn með þessum heimi sé alls ekki neinn virðist hann samt ganga áfram og allt það sem í honum er. Straumurinn flytur ekki aðeins mig í gegnum þennan heim heldur alla hina líka og þeir eru sáttir. Án óraunverulega heimsins væru þeir ekki neitt og flestir gætu verið sammála um það að það er betra að vera til sem blekking en vera alls ekki neitt. Ég skil þessvegna fólkið hérna, það hefur engra kosta völ nema lifa lífinu og halda í vonina um það að í rauninni hafi þetta allt tilgang. Sannleikurinn er hins vegar sá að tilgangurinn er ekki neinn, hann er ekki til þar sem ekkert er raunverulegt, þar sem ekkert er til.

Það sem gerist stundum hérna er sérkennilegt. Það eru nefnilega ekki allir sem ná að fljóta endalaust, sumir sökkva. Örfáir einstaklingar hafa komist að sannleikanum, þeir fljóta ekki mikið eftir það, þeir vilja ekki fylgja straumnum í tilgangsleysinu, þeir sökkva. Er þá ekki betra að vita ekki sannleikann og lifa lífi sínu í góðri trú um að það sé raunverulegt líf í raunverulegum heimi. Til hvers að vita sannleikann ef hann gefur þér ekkert nema vonleysi, þessvegna er blekkingin eina ráðið til að þrauka í heimi þessum. Sannleikurinn er þessvegna blekkingin og lygin er sannleikurinn, það sem er satt er ekki satt en samt er það satt fyrir öllum þeim sem lifa í heimi blekkingarinnar.

Takk fyrir það......

Trú, von og vísindi.

Þetta eru allt mjög tengd hugtök en samt eru þau einhvern veginn svo miklar andstæður. Trúin vill ekkert með vísindin hafa og vísindin afneita trúnni, það sem sameinar þetta tvennt er hins vegar vonin um það að finna einhver svör. Þannig að vonin er það sem bindur trúnna og vísindin órjúfanlegum böndum, böndum sem verða aldrei leyst.

Hvort sem að menn hafa ofurtrú á vísindunum eða þá að menn eru ofsatrúargeðsjúklingar, eiga þessir öfgamenn eitt stórt atriði sameiginlegt, þeir verða að finna sannleikann, vita hvað er það eina rétta og miðla visku sinni svo til annarra. Þessir menn verða að vera öruggir, þeir geta engann veginn lifað við þá staðreynd að allt er afstætt og að svarið er hvergi að finna.

Þeir eiga sér von og þessi von verður að sannleika í höfði þeirra, þegar þeir hafa fullkomna vissu um annað hvort trúnna eða þá vísindin þá sjá þeir engann annan sannleika vegna þess að þeirra sannleikur er sá eini sanni. Ofsatrúargeðsjúklingur og þröngsýni vísindamaðurinn eru þessvegna alveg jafn fáfróðir hálfvitar sem finna öryggið í lífinu með því að ljúga að sjálfum sér eftir sínum dýpstu vonum. Þeir nota vísindin eða trúnna til að sannfæra sjálfa sig um það að þeirra vonir um lífið séu í raun sannar, þeir eru báðir mjög fáfróðir og í rauninni hef ég ekkert meira um þá að segja.

p.s. ég vil taka það fram að hlutir eins og páfagaukurinn hans Valgeirs, Bounty Killah, heimalærdómurinn hans Valgeirs, sumar vísindalegar kenningar, borðstóll, ísskápur, Tristan da Cunha, arabar og volgt vatn eru ekki afstæðir hlutir, bara svona til að hafa það á hreinu(bara áhrifaríkt að segja allt) hehe en það er náttlega ekki þannig. Takk fyrir.

Próf, búið!! Og ný könnun!!!

Dagurinn er 8. desember og ég sit við tölvuskjáinn og drita niður á bloggerinn, prófin eru búin. Ég fór í seinasta prófið mitt í dag, það var í frönsku, það bjargaðist, það er Helenu vinkonu að þakka, takk Helkon :) Valli formaður hjálpaði mér heim í dag og keyrði mér heim eftir prófið, það var fallega gert, takk Valli prez. Jói Fjalar talaði við mig í dag, takk Jói formó skemmtó :), þú ert svo nettur gaur. Svo mæli ég þokkalega með honum Steina, hann bregst aldrei, ég elska hann og myndi ólmur vilja sofa hjá honum ef hann væri ekki kominn með kærustu. Haffi var hann sjálfur í dag og á hrós skilið fyrir það, Haffi þú ert þokkalega nettur á'ðí alltaf. Siggi var bara í Arhus í dag og það var þokkalegt hjá honum, hann er svo splæstur hann Siggi, shiet hvað hann er klikkaður, hehehe.

Já annars bara ekkert að gera nema hanga í frí. Það verður svo þokkalega nett stemming á LA næsta föstudag að það er aæveg grjót...........áð, ég hlakka til, það er víst, er farinn í tölvuna.

Já hann Jón er hér, hann er sko alveg hér, það er alveg satt

Þegar kvölda fer og rökkrið breyðir úr sér fer hugur minn á flug, hann flýgur. Annars er ég að lesa fyrir Lan 103, það er eins og menn segja í góðu flippi "massívt" eða bara jafnvel "nett". Mér finnst það samt bara frekar svona ágætis afþreyging, ekkert annað að gera, fínt að lesa um allt þetta bara. Maður situr bara og les, og svo svona hugsar maður "já þetta er cool, magnað hvernig þetta virkar bara svona, uss" Og maður bara alveg lifnar við og bara hoppar af kæti, vá ég hef bara fattað þetta!! Uss ég sem hélt þetta væri allt öðruvísi, vá hvað það er gaman að læra svona nýja hluti, ussumfuss. Já maður getur verið alveg á flippinu, þetta er svo skrítið ha?? er það ekki?? Jú ég hélt það :)

George Bush ist ein fasist Tier!