Siggi hefur fengið heil samtök á bak við sig í baráttu sinni við að koma heim, endilega kíkjið á þessa síður og sýnið samhug í verki, styðjum við bakið á Sigga og komum honum heim sem fyrst, www.siggaheim.blogspot.com.

Er guð til??

Rökgreining á texta Tómasar frá Aquinó, 4. leið til að sanna tilvist guðs.
1. á meðal allra hluta finnst eitthvað sem er gott, satt og göfugt. 2. Það er alltaf eitthvað sem er mest, hitinn er mestur á tilteknum stað, því meira sem hlutur nálgast hitann því meira hitnar hann. 3. Það er alltaf eitthvað til sem er sannast af öllu og göfugast, þetta á við um alla hluti, dauða og lifandi. 4. Það sem er snnast af öllu er æðst vera. 5. Það sem er æðst í hverjum flokki er orsök alls þess sem er í þeim flokki. 6. Eldurinn sem er heitastur er orsök alls þess sem heitt er. 7. Það er eitthvað til sem er orsök hverrar veru. 8. Orsökin fyri hverri veru, þér og mér er guð!!

Blaður og þvaður....

Mikið búið að vera að gera undanfarið við undirbúning busaviku og við það að koma skólablaðinu í gang, en allt á réttri leið. Ég er bara annsi sáttur með það hvernig er búið að ganga hjá okkur í skemmti-nefndinni og eiga þar allir hrós skilið.....nema Jói hann er náttlega latur skíthæll sem á aldrei skilið að fá hrós! En ég splæsi samt einu á hann núna vegna þess að hann kom með massa hugmynd að nafni á skólablaðið sem ég ætla að bera fyrir fundinn á morgun(leyndó), spennandi að sjá hvernig það fer, Jói takk fyrir það, þú ert ágætur þegar þú tekur þig til.....sem mætti vera oftar. En talandi um að taka til en það er einmitt það sem að kærastan hans Jóa hún God-Rock ætlar að gera fyrir nemendaráðið í vetur, hún ætlar að taka allt til og þrýfa allt hátt og lágt á skrifstofunni, einu sinni í viku!! Vá þvílík snilld, húrra fyrir því, húrra fyrir Guðbjörgu......var ekki fleira í bili, er farinn að lesa Poor People eftir Tryggva Emilsson í íslenskri þýðingu, sem er án efa ein mesta snilldarbók sem ég hef lesið seinasta mánuðinn, hún kemst allavega inn á topp 10 listann :=)

Vá fólk er að missa sig yfir skítagreininni minni um Reykjavík, en bara svona svo þið vitið það þá var þetta grín!!! Ég var ekki að meina það sem ég sagði, enda ættu allir heilvita menn að vita það. Reykjavík er fín borg og vona ég nú að fólk hætti að taka þetta svona roslalega inn á sig. Þá er það komið á hreint, hjúkk....

Fjármál heimsins skoðuð rækilega....

Hef verið að velta fyrir mér meðaltekjum á hvern íbúa um allan heim, þær eru reiknaðar þannig að deilt er niður á hvert einasta mannsbarn í landinu þannig að í fjögurra manna fjölskyldu má margfalda með fjórum til að fá heildartekjur fjölskyldunnar, þegar maður skoðar þetta kemur margt merkilegt í ljós.

Til að geta miðað þetta allt við eitthvað þá byrja ég á íslandi en þar eru meðaltekjur á hvert mannsbarn um 1,9 milljón á ári. Í Póllandi er staðan aðeins öðruvísi og þar fær hvert mannsbarn um 680 þús. krónur í meðaltekjur á ári. Eins er það með Slóvakana og eru þeir með 690 þús. í meðaltekjur á mann. Rússland er svoldið merkilegt að þessu leyti því að þar eru meðaltekjurnar aðeins 193 þús. kr á mann yfir árið sem ég myndi segja að væri annsi skítt. Á Spáni eru meðaltekjurnar um 1, 44 milljónir,

En ef við færum okkuar svoldið í burtu og skoðum lönd í Suður-Ameríku þá sjáum við t.d. að í Bólivíu eru meðallaunin 240 þús. á hvert mannsbarn. Á Kúbu eru tekjurnar 160 þús, Í Nicaragua eru peningarnir af skornum skammti og þar eru árslaunin á hvert mannsbarn 36 þús krónur. En í Chile virðast hlutirnir vera í góðum gír og þar eru meðaltekjurnar 1 milla á mann.

Í mörgum Asíu löndum er lítið um peningana og ef við skoðum lönd eins og t.d. Mongolíu þá sjáum við að launin á hvert mannsbarn eru ekki nema 31 þús. á ári sem ég verð að telja annsi skítt. Kínverjar baða sig í peningum og þar eru árstekjurnar 288 þús. á manninn, En Kínverjar eru ekki jafn ríkir og Japanirnir en þar eru árslaunin um 2 millur á kjaft sem verður að teljast annsi mikið. Í Tajikiztan er ekki mikið um auð og þar fær fólk að meðaltali um 72 þús. á ári í tekjur.

Meirihluti heimsins hefur það allavega frekar skítt miðað við okkur það er alveg ljóst, ég væri allavega ekki heitur fyrir því að vera Mongóli í dag með 31 þús kall í árstekjur, humm.....

Mökkurinn umlykur borgina....

Já þá er ég kominn aftur hingað í viðbjóðinn, þegar ég kom út úr göngunum sá ég grátt ský sem hvíldi yfir öllu höfuðborgarsvæðinu og gerði ég mér strax ljóst að þetta var ský sem ælir úr sér súru regni yfir höfuðborgarbúana. Fólk gerir sér ekki grein fyrir því hversu menguð og ógeðfelld þessi borg er orðinn, það lifir í stanslausri blekkingu og telur sér trú um að í Reykjavík sé allt fullkomin og þar sé allt gott, en þannig er það því miður ekki. En hér er allt eins og það var og verð ég að bíða og vona að ég fari sem fyrst héðan í burtu og aftur í sveitasæluna norðan heiða.

Á leið út úr spillingunni....

Nú hef ég ákveðið að pakka saman pjönkum mínum og drulla mér héðan út úr þessu ógeðfellda, útúrmengaða spillingabæli sem Reykjavík er. Hér hef ég búið nú í nær 9 ár og hef ég komist að því á þessum langa tíma að höfuðborgin er eitt það alversta sem Ísland hefur alið af sér, án hennar væri Ísland fullkomlega óspillt og fagurt með gul blóm í haga. Þetta er einmitt það sem að Íslenskir bændur voru að predika um 1900 þegar að Reykjavík var að verða að því skítabæli sem hún er í dag. Þá sáu gáfaðir menn að leiðin lá beint í skítinn, skítinn sem umlykur borgina á alla kanta í dag. Þessvegna hef ég ákveðið að koma mér í burtu áður en það verður of seint. Fögur sveitin bíður eftir mér og þangað er ég farinn, ég er farinn í fullkomleikann kæru vinur, skemmtið ykkur hér í spillingarbælinu ef þið getið, veriði sæl.......